VOV4.M’nông: Rơh thi tốt nghiệp THPT năm 2021, n’gor Dak Nông geh 7000 kon se râng thi. Ndrel pă tay ăp ntŭk thi, jrâu thi, N’gâng kan ntĭm nti n’gor Dak Nông rgum bơi tât 1000 nŭih ƀư nau uănh thi. Geh cán bộ, nŭih kan bah ăp ntŭk: Ntĭm ntĭm nti, tahen, công an ndrel nai dak si ndrel râng. Rnôk aơ, n’gâng kan ntĭm nti hŏ mbơh nau ntrŭnh rnôk thi, ntĭm ân cán bộ, nau nti, nŭih kan râng rơh thi.

Ăp kon se geh rgum pơk trong ueh ngăn mpeh ntŭk thi gay ma têm mông nar hăn ro, der hăn ngai. Tâm ăp ntŭk thi, nau kan kơp uănh, ntop tay nau ê tŏng, nkra ntŭk djơh khuch geh n’gâng kan dak si ƀư, đăp mpăn ăp nau ntrŭnh mpeh nau dơi dŏng, dăp mpăn rnă njrăng ƀư rơh thi. Ngăn lah, bah năp nau geh bah srê Covid-19 dôl tât, N’gâng kan ntĭm nti Dak Nông hŏ rđau ăp ntŭk ntĭm nti mât ân rjăp kon se râng thi tốt nghiệp THPT, nkah kon se ndrel ƀon lan mô dơi luh bah n’gor, ngăn lah tât ăp nkuăl geh srê./.

Nŭih rblang: H’Thi