VOV4.M’nông – Ƀư tĭng ntrong leo “Lam ƀon lan râng njrăng n’gang srê Covid-19 n’hanh luh lăp, sĭt bah dak bah dih mô tâm di nău way” ta nkual n’har bri, ăp ntŭk kan Tahen n’har bri n’gor Dak Nông lĕ tâm rgop đah ƀon lan ƀư rgŏ jă, nkoch trêng, rgŏ jă geh rlău 1000 rnăk gŭ rêh ta nkual n’har bri n’gor ký ton ƀư tĭng ăp trong njrăng n’gang srê Covid-19 n’hanh luh lăp, sĭt bah dak bah dih mô tâm di. Ndrel đah ŭch êng dăn ton ƀư tĭng rjăp ăp trong njrăng n’gang srê tĭng nău đă bah n’gâng kan ƀon lan, rnôk saơ nuĭh luh, lăp sĭt bah dak bah dih mô tâm di mô lah gŭ nkual srê plơ̆ sĭt, nuĭh ƀon lan mbơh dâl an ăp n’gâng kan, rmôt tahen n’har bri gay gĭt nu nău. Nuĭh ƀon lan nsrôih ƀư tĭng “3 mô”. Mô luh lăp, sĭt bah dak bah dih mô tâm di nău way; mô mpôn mo, wơt dơn luh lăp sĭt bah dak bah dih mô tâm di; mô ƀư ndơ̆ wơt, ndranh luh lăp, sĭt bah dak bah dih mô tâm di.

Nŭih rblang: Y Sưng Phê Ja