VOV4.M’nông – Nar nđaơ (30/6), Hội đồng nhân dân n’gor Dak Nông khóa 4 (năm kan 2021-2026) lĕ ƀư rơh rƀŭn bôk năp ăp gưl nău kan tơm khlay tâm nău dơi ntĭm rđău bah HĐND n’gor. Ta rơh rƀŭn, Ủy ban săch n’gor Dak Nông lĕ mbơh jêh săch n’hanh năl tay đah 52 nuĭh ntoh măt lĕ dơi săch lăp HĐND n’gor khóa 4, năm kan 2021-2026. Ăp nuĭh ntoh măt lĕ nklăch phiếu săch ăp gưl nău kan Kruanh, Groi kruanh HĐND n’gor n’hanh Kruanh, Groi kruanh UBND n’gor.

Dak Nông săch ăp gưl kan tơm khlay HĐND n’hanh UBND năm kan 2021-2026

Jêh nklăch phiếu: wa Lưu Văn Trung, Groi Bí thư rnâng kan N’gor ủy, dơi săch ƀư Kruanh HĐND n’gor khóa 4, năm kan 2021-2026. Wa Y Quang Bkrông n’hanh wa Mai Thị Xuân Trung, dơi mât ƀư Groi kruanh HĐND n’gor. Đah ăp gưl nău kan bah UBND n’gor, wa Hồ Văn Mười, Groi Bí thư N’gor ủy, Kruanh Công an n’gor dơi săch ƀư Kruanh UBND n’gor. Wa Lê Trọng Yên, wa Tôn Thị Ngọc Hạnh dơi săch ƀư Groi Kruanh UBND n’gor. Groi Kruanh UBND n’gor mhe săch lah wa Lê Văn Chiến (tă ƀư Chánh Văn phòng N’gor ủy).

Nŭih rblang: Y Sưng Phê Ja