VOV4.M’nông – Dôl tâm rơh duh nar hô, rnoh điện dŏng ăp nar ta lam n’gor Dak Nông lĕ hao rlău n’gul tơ̆ nkôp đah nar ƀa ƀă, geh tât 2 rkeh kWh n’hanh công suất dŏng rlău 100MW. Đăp mpăn nău pă điện đăp mpăn, na nao, công ty điện lực Dak Nông lĕ ntĭm rđău ăp ntŭk kan kâp măng nar, pă tay rmôt kâp ta ăp ntŭk geh âk nău khuch. Nkre n’hao nkra, ntrok, rgâl n’hao công suất ăp máy biến áp, trong rse hạ thế ta ăp nkual ƀon lan gŭ; muih rwach trong rse, ntrok aptomat...

Dak Nông tŏng ăp pă điện đăp mpăn rnôk hô duh nar

Njrăng n’gang mô an geh nău khuch trong điện jâk ir. Ăp ntŭk nchrăp ndâk ƀư trong mkra đăp mpăn điện an ăp trong rse jêt khlay, tâm pă pơk dŏng ăp trạm 110kV, ăp ngih máy thủy điện jêt nchrăp rgâl trong pơk điện tĭng ăp trong rse trung áp mạch vòng liên thông. Bah meng nĕ, Điện lực Dak Nông ntrŭt đă nuĭh ƀon lan an ƀư tĭng ăp trong ntêm nkrem điện kơt: nset ăp ndơ mô dŏng, n’hŭch dŏng măy điều hòa.

Nŭih rblang: Y Sưng Phê Ja