VOV4.M’nông – Hãng thông tấn Kyodo ndơ̆ nău, nuĭh kan bah Quốc hội Nhật Bản, Muneo Suzuki dăn đă Thủ tướng Nhật Bản Suga Yoshihide mâp Tổng thống Nga Vladimir Putin bah dih rƀŭn nchră Wăng sa Phương Đông (EEF) ta Nga tâm khay 9 tât. Tĭng wa Suzuki, nuĭh mât uănh mkra ăp nău tâm nchră đah Tokyo n’hanh Moscow tâm âk năm, aơ di an kruanh gưl prêh 2 dak tâm mâp na nê̆, gay nkoch lĕ nău mĭn êng nơm, nău ŭch ndrel. Rlău ma nĕ tay nău ntơm ăp rơh mâp nchră nău tĭng trong tâm mâp êng, mbra nkô̆ nău ntrôl ăp rơh tâm nchră mpeh hiệp ước đăp mpăn rgâl uĕh. Ta năp nĕ nar 4/8, Tổng thống Nga Vladimir Putin mbơh nchrăp tâm nchră đah Nhật Bản mpeh du hiệp ước đăp mpăn jêh rơh tâm rkeh yor nău uĕh nsum bah 2 dak.

Nuĭh rblang: Y Sưng Phê Ja