VOV4.M’nông: Lơ 25/5, rơh rƀŭn lam ntur neh ăp chính đảng Châu Á hŏ rƀŭn trực tuyến tal 2 mpeh srê Covid-19 đah nau râng bah rđau kan 24 chính đảng tă bah 18 dak Châu Á, ntoh măt bah rơh rƀŭn Rnâng kan ăp chính đảng Mỹ Latinh ndrel Caribe ndrel du đê̆ ntŭk kan dak ba dih. Ăp ntoh măt râng rƀŭn tâm ban đah ăp nŭih ƀon lan tâm ăp dak mô geh tâm nkhah ach o sâm geh geh dŏng tâm ban ndơ njrăng srê Covid-19 kŏ kơt lah vắc xin ndrel ăp nau kan uănh năl ndrel săm. Wa Nguyễn Mạnh Cường, uỷ viên Trung ương Đảng, Groi Kruanh Rnâng kan tâm nchră bah Trung ương, Uỷ viên uỷ ban Rnâng kan tâm nchră bah Châu Á, ƀư Kruanh rmôt kan Việt Nam, hŏ râng ndrel rgop âk nau tâm nar rƀŭn nchră. Wa Nguyễn Mạnh Cường hŏ nkoch mbơh âk nau blau tâm nau kan njrăng rdâng bah srê Covid-19 bah Việt Nam tâm rơh rlau aơ, nkre lah rjăp nau ton bah Đảng Cộng sản Việt Nam mpeh nau tâm boh lam ntur neh tâm nau njrăng rdâng srê Covid-19./.

Nŭih rblang: H’Thi