VOV4.M’nông: Nar 4/5, ta Hà Nội, Bộ Công an ƀư hop Ƀan rđău đă Trong nchrăp rdâk njêng ntŭk rgum prăp nău lư gưl neh dak mpeh rnoh nuĭh gŭ n'hanh Trong nchrăp ƀư njêng, pă an n'hanh mât dŏng căn cước công dân. Tĭng nău mbơh, rnôk tĭng ƀư trong nchrăp rgum prăp nău lư gưl neh dak hŏ ăp kôp tâm trong rlău 98 rkeh nuĭh ƀon lan lam dak n'hanh dôl tâm rnôk "ƀư kloh" nău lư đah rnoh ŭch pă an mbrô năl săk an lĕ rngôch nuĭh ƀon lan neh dak bah năp nar 01/7/2021. Kơp tât nar 27/4, lĕ rngôch rnoh hồ sơ dơn ƀư căn cước công dân bah Công an 63 n'gor lah bơi 34 rkeh hồ sơ, geh 68% rđĭl đah rnoh ŭch geh 50 rkeh hồ sơ. Đah nău buăt nthoi, tâm pă nău lư, aƀaơ Bộ Công an hŏ kan nsum đah Bảo hiểm xã hội Việt Nam, Bộ Tư pháp, Cục Kiểm soát thủ tục hành chính – Văn phòng Chính phủ, Tổng cục Thuế - Bộ Tài chính nchră tâm ban ŭch ăp trong nkra kỹ thuật gay rhŏ dŏng buăt nthoi./.

Nuĭh rblang: Điểu Thân