VOV4.M’nông: Ntŭk kan nkâng njrăng srê ji ta Mỹ lơ 7/7 mbơh, Delta, ntil njêng bah SARS-Cov2 geh saơ bôk năp tâm Ấn Độ, rnôk aơ dôl geh tât âk ngăn tâm Mỹ. Tĭng nau mbơh mhe ngăn bah Ntŭk kan nkân ngăn srê ji Mỹ, dĭng lĕ ăp nŭih ntưp đah srê Covid-19 ta Mỹ rnôk aơ kŏ geh năl ntưp đah kman Delta. Rnoh nŭih ntưp srê đah ntil kman aơ geh ntơm 30,4% hao 51,7% tâm 2 pơh dŭt bah khay 6. Tĭng n’gâng kan dak si Mỹ, ntil kman Delta hŏ lah kman nơih ntưp rêng ngăch rlau, hŏ geh rêng tâm ăp bang tâm lam dak Mỹ. Yơn lah, nau rhơn lah ăp ntil mrô mbơh bôk năp ân saơ ăp ntil vắc xin dôl geh dŏng tâm Mỹ geh Pfizer, Moderna ndrel Jon-sơn en Jon-sơn mra kơl der nau ntưp rêng bah ăp ntil kman mhe, geh n’ăp ma Delta./.

Nŭih rblang: H’Thi