VOV4.M’nông – Tĭng Công ty Điện lực Dak Nông, bah bôk năm tât aƀaơ, lam nău kan lĕ ƀư uănh nđôi bơi 4.400 nuĭh năch dŏng điện n’hanh saơ 642 nău tih. Tâm nĕ, 21 nău tih ntŭng điện, 474 nău tih mpeh rnoh khlay điện n’hanh 142 nău tih êng. Dĭng lĕ rnoh điện tih trok lah 12.845 kWh, đah rnoh prăk sŏk bơi 365 rkeh prăk.

Điện lực Dak Nông saơ rlău 640 nuĭh dŏng tih dŏng điện

Công ty lĕ njuăl ngih pah kan dơi kan mkra 21 tơ̆. Tât aƀaơ, ngih pah kan dơi kan lĕ an ntrŭnh rmal nduih lah đah 4 nău tih n’hanh rmal hành chính 1 hê, đah rnoh prăk 12,5 rkeh prăk. Ăp nău ntŭng điện dŭt âk rhŏ an nău ŭch dŏng, năch rwăt way ndra dŏng êng sre cáp nthoi êng ta rse hạ thế gay dŏng mô kâp trong vĕ kơp. Gay saơ ăp nău tih, điện lực ăp ntŭk ƀa ƀơ ƀư trong nchrăp uănh nđôi du trong na nê̆, n’hanh di rjăp.

Nŭih rblang: Y Sưng Phê Ja