VOV4.M’nông – Tâm 6 khay bôk năm, druh ndăm Dak Lak lĕ ƀư geh rlău 13 rbăn ndơ ƀư, nău kan druh ndăm, rgop soan ndâk njêng ƀon lan mhe, ntop kơl ăp ntŭk jêr jŏt tâm n’gor. Na nê̆, tâm 6 khay bah năp, lam n’gor lĕ tăm mhe n’hanh mât chăm bơi 41 rbăn tơm si, ndâk ƀư 47 ntŭk rgum rƀŭn, pâl rlưn an druh ndăm rchong ta ăp xă, phường, nkuăl têh. Ƀư tĭng bơi 200 ndơ ƀư măng non n’hanh ntop kơl rlău 37 rbăn druh ndăm kon se geh nău rêh jêr jŏt. Ndâk ƀư 5 ntrong kan, trong mkra ntop kơl druh ndăm mô lap, kơl 53 bôk nău rgop an tâm nchră nău mĭn rdâk njêng nău kan, ndâk njêng nău kan druh ndăm n’hanh kơl an manh prăk bơi 48 rmen prăk an druh ndăm hun hao wăng sa.

Druh ndăm Dak Lak ƀư rlău 13 rbăn nău kan druh ndăm

Tĭng uănh lah bah Ban thường vụ N’gor Đoàn Dak Lak, tâm 6 khay bah năp bôl khuch bah srê Covid-19 ƀư ăp nău kan geh tâm nău dŭt n’hâm jêr jŏt, âk nău ƀư an ndruch n’hanh ntlơi. Yơn lah ăp nău ƀư dơi ƀư du trong tâm ban, âk đoàn bah dâng lĕ geh nău nchrăp n’hanh ƀư ngăch ăp rnoh ndơ ƀư, nkre đăp mpăn jêh nău kan, nkre ngăch tâm rgop rmôt kan gay njrăng n’gang srê.

Nŭih rblang: Y Sưng Phê Ja