VOV4.M’nông: Thủ tướng Đức Angela Merkel lơ 18/7 lah rjăp, n’gâng kan liên bang ndrel ăp n’gâng kan tâm Đức mra ơm ngăch tâm rgop gay ma ƀư leo dŏmg tơm prăk âk rmen ơ-rô gay kơl an ƀon lan ndrel ndâk tay ntŭk ntu ngih vâl gung trong tâm ăp nkuăl geh dak lip lơn rlau aơ. Nkra tât khâl tâm ntŭk geh bu nkhah tâm ăp nkuăl geh dak lip lơh hô tâm mpeh ba dâng bah dak Đức jêh rnôk plŏ tă bah ăp rơh hăn khâl Mỹ, Thủ tướng Đức Angela Merkel mbơh păng dŭt n’hâm rngot mpeh nau khuch djơh ta ưbah nau lơh bah bri mih dak lip ndrel mô geh nau ngơi nkoch ân tâm di gay ma nkoch tât nau khuch djơh mhe geh nê. Wa Merkel lah rjăp, n’gâng kan liên bang kŏ kơt lah n’gâng kan mra ngăch tâm rgop ƀư nau kan gay ma ndŏ luh ăp nau kơl an ân ƀon lan. Chính phủ Đức mra leo nau ntrŭnh nchrăp kan, bah năp măt mra pă 30 rkeh ơ-rô gay kơl an tơm prăk ân ăp ntŭk kan tăch rgâl ndrel rnăk vâl mâp nau khuch, tâm nê du ntŭk kan tăch rgâl geh nau khuch yor dak lip lơh mra geh ndơn 10 rbăn ơ-rô./.

Nŭih rblang: H’Thi