VOV4.M'nông: Nar 20/08, ta Điện Kremlin, Tổng thống Nga V.Putin hŏ rgum nchră đah Thủ tướng Đức Angela Merkel nkhêp geh hăn khâl Nga. Bar kruanh rđău kan hŏ tâm ban ŭch mpeh tâm boh bar ding Nga- Đức tâm ban kơt tâm ôp mpeh nô nău ta Afghanistan, Ukraina, nđơn n'hoch dak ŭnh bah Nga tât Châu Âu…Tổng thống V.Putin lah rjăp, Đức lah ngoăy tâm ăp dak tâm boh rong an lor bah Nga lĕ mpeh chính trị n'hanh wăng sa. Wa Putin lah rjăp, hăn khâl rơh dja bah Thủ tướng Đức A.Merkel tât Nga mô dơn lah du trong hăn khâl ntĭnh n'glĕ dŭt ma hôm âk nkô̆ khlay gay tâm nchră đŏng. Tĭng păng, Đức lah ngoăy tâm âk dak n'gâng tơm bah Nga ta lĕ ma châu Âu n'hanh lam ntŭr neh lah nsum. Đức lah dak tâm boh wăng sa tăch rgâl dâk tâl 2 bah Nga bah kơi Trung Quốc.

Nuĭh rblang: Điểu Thân