VOV4.M’nông: Rơh thi tốt nghiệp THPT năm 2021 rơh 1 hŏ dŭt jêh tâm kêng măng nar 8/7 lôch 2 nar thi. Aơ lah rơh thi mha êng, yor tâm rnôk nuh srê Covid-19 dôl tât krit nji, âk n'gor kơt nkual ƀon têh Hồ Chí Minh, Bắc Giang, Bình Dương, Phú Yên, Hà Nội… geh nuĭh ntưp mhe.

Yor kơt nê̆, 63 n'gor hŏ lor nchrăp an ƀư ăp trong nkra n'hanh đah nău nsrôih lăp kan bah ăp mpôl tât râng, hŏ nta jêng rơh thi dơh soih  an nuĭh hăn thi. Rnôk ƀư thi geh du đêt nău tât nuh srê lah nău tă ơm gĭt kan an ăp n'gor ƀư rơh thi tốt nghiệp rơh bah kơi tay đŏng. Dŭt jêh 2 nar thi, hôm geh rlău 23 rbăn nuĭh thi ta ăp n'gor, nkual ƀon têh mô dơi râng thi tă bah tât khuch nuh srê COVID-19 mbra dơi thi tâm rơh 2 đŏng. Âk nuĭh mpŏng, ăp n'gor mbra rhuăt luh nău tă ơm gĭt kan tay bah kơi nê đăp mpăn lơn./.

Nuĭh rblang: Điểu Thân