VOV4.M’nông: Wa Naftali Bennett - kruanh rđău kan đảng Yamina (đảng rnoi mpôl dâk lơh ta Israel) mhe mbơh mbra râng tâm nchră njêng chính phủ tâm rgop đah Yesh Atid (đảng dâk tâl 2 tâm rơh sơch lăp rgum lam lĕ rngôch ta dak dja rnôk khay 3 mhe aơ). Nău n'glêh an bah nuĭh mât bôk đảng Ya-min-na dơi mĭn lah mbra lôch dŭt mêl chính trị lôch bah kơi rơh bầu cử ta Israel n'hanh nkre dŭt bah nău hưp jêng Thủ tướng plơ̆ dơi tay nău kan dŭt jŏ ta Israel bah Thủ tướng Benjamin Netanyahu. Đah nău mbơh dja bah wa Naftali Bennett, ntơm bah nar 2/6, wa Yair Lapid - nuĭh mât bôk đảng Yét A-tít, mbra n'glêh an geh tât boh đah đảng Ya-min-na gay njêng Chính phủ mhe ta Israel lah mô. Nău n'glêh an bah wa Naftali Bennett dơi mĭn lah mbra dŭt bah dŭt mêl chính trị bah kơi rơh bầu cử ta Israel n'hanh nkre dŭt bah dĭl nău hưp mpŏng jêng Thủ tướng plơ̆ dơi tay nău kan dŭt jŏ ta Israel bah wa Benjamin Netanyahu.

Nuĭh rblang: Điểu Thân