VOV4.M’nông: Tâm 2 nar lơ 29-30/3, ta Thủ đô Brussel, Bỉ, geh rơh rƀŭn kơl an nau geh jêng bah Syria ndrel nkuăl. Aơ lah rơh rƀŭn tal 5 yor Liên minh Châu Âu (EU) ndrel Liên hợp quốc nkre ƀư tơm gay nchră nau geh jêng bah Syria. Yor Châu Âu tâm nrôk geh nchueng rdâng srê Covid-19, rơh rƀŭn nchră mpeh Syria năm aơ geh tâm nau ƀư trực tuyến. Rơh rƀŭn aơ rgum nchră nau kan kơt mât nŭih ƀon lan bah nau rŭng răng, ƀư kơt tĭng nau kan mhal dôih bah phung tih dôih tâm lơh, ngăn lah ndâk nau tâm rgop kơl an ân nŭih ƀon lan Syria. Ta rơh rƀŭn rơh aơ, Liên minh Châu Âu mra rgum ăp nau kan ngăn, kơl an ƀon lan Syria, gay nau dơi ân geh joi lah nau kan chính trị, kŏ kơt lah ndâk ăp nau dơi gay leo nsĭt nau ueh lơn ân ƀon lan Syria./.

Nŭih rblang: H’Thi