VOV4.M’nông: Liên minh Châu Âu hŏ geh dơi nkô̆ nau chuh n’gang vắc xin njrăng rdâng srê Covid-19 ân đê̆ ngăn 70% rnoh nŭih têh. Ntoh nau ta nar rƀŭn mbơh lơ 27/7, Kruanh Uỷ ban Châu Âu U-xu-la Von-đơ Lây-en mbơh: “Liên minh Châu Âu hŏ bư nau ton bah nơm. Nkô̆ nau bah phung hên lah chuh n’gang đê̆ ngăn du dĭng văc xin njrăng rdâng srê Covid-19 ân 70% rnoh nŭih têh tâm khay 7. Ndrel 57% rnoh nŭih têh hŏ geh chuh tŏng 2 dĭng. Ăp rnoh aơ leo Châu Âu tâm mrôt dâk bôk lam ntur neh mpeh nau ngăch chuh njrăng". Ăp nau mbơh ân saơ, tât lôch khay mih aơ, EU mra geh nkô̆ nau chuh ân tŏng 2 ding vắc xin njrăng rdâng srê Covid-19 ân 70% rnoh nŭih têh./.

Nŭih rblang: H’Thi