VOV4.M’nông – Nar 18/7, Ntoh măt Liên minh châu Âu (EU) ta Palestine Sven Kuehn von Burgsrff nkoch nău klach rvê mpeh duh jêr dăch aơ đah Israel n’hanh Palestin geh tât rkum đền Al-Aqsa-hôm kuăl lah Yôk Đền ta Jerusalem, nkre kuăl jă 2 ding dêr nău nsŭk nsôr n’hanh tâm ryơk nu nău aƀaơ. Kruanh aơ ntrŭt n’gâng kan Israel, ăp nuĭh pah kan, kon chroh ngăch ndơ̆ an ăp nău ƀư ndal gay n’hŭch hao tâm lơh đah 2 ding. Nău mbơh bah ntoh măt EU dơi ndơ̆ jêh rnôk ăp rơh tâm lơh geh bah năp nĕ tâm nar 18/7 đah ăp nuĭh Palestine n’hanh cảnh sát Israel ta rkum đền An Át-xa. Ăp nuĭh saơ n’hanh ăp truyền thông Palestine an gĭt, ăp rơh tâm lơh geh jêh rnôk rmôt cảnh sát Israel lăp tâm rkum đền An Át-xa, tâm di rnôk geh nar mbơh sơm ôi ơm.

Nuĭh rblang: Y Sưng Phê Ja