VOV4.M’nông – Châu Âu mbra kơt dŏng trong ƀư tâm rgâl n’hâm soal duh, kơt dŏng đah ăp jay n’hanh nău kan ntung trong. Kruanh Uỷ ban châu Âu Ursula von der Leyen lĕ ntoh ngơi kơt nĕ ta rƀŭn nchră gưl prêh trôk nar duh sial ntơm ƀư pơk sŏng dăng yor Mỹ ƀư tơm. Nău mbơh bah wa Ursula von der Leyen mbra nkô̆ nău gay EU uănh nđôi lĕ rngôch tay trong nchrăp ntŭk cacbon. Wa lah rjăp: Mbra ndơ̆ nău tăch n’hâm sial duh mô knŭng ta nău kan nkra njêng ŭnh nar ma an nău kan nchoăn rdêng n’hanh nău ndâk nkra ăp jay têh. Kruanh Ủy ban châu Âu Ursula von der Leyen lah 27 dak tâm EU an pơk hvi trong ƀư tăch n’hâm sial duh an ăp nău kan mhe, n’hanh ăp nău kan wăng sa an hun hao tĭng trong uĕh nđir. Aơ mbra lah du gâl nkô̆ nău tâm nău kơl mbra dơi mbơh tâm khay 6 tât.

Nŭih rblang: Y Sưng Phê Ja