VOV4.Mnông – Thủ tướng Đức Angela Merkel mhe an gĭt, ăp nuĭh kruanh Liên minh châu Âu lĕ mô dơi geh tâm ban ŭch mpeh nău ƀư du rơh rƀŭn nchră gưl prêh đah Nga, tĭng nău đă bah Pháp n’hanh Đức. Thủ tướng Merkel an gĭt, ăp dĭng lĕ tâm nchră âk nău, yơn gay dơi geh tâm ban ŭch tâm boh đah Nga mô di lah nău dơh. Du đêt dak tâm Liên minh châu Âu geh n’har bri êp Nga kơt Ba Lan mô lah ăp dak Ban-tích dun nău đă aơ. Đức n’hanh Pháp dôl ntrŭt Liên minh châu Âu an ƀư rƀŭn nchră gưl prêh đah Nga gay ndâk njêng tâm boh. Tâm nău mbơh ndơ̆ jêh nar rƀŭn bôk năp, kruanh ăp dak Liên minh châu Âu an gĭt mbra mĭn joi ăp trong n’hanh dơi tâm nchră đah Nga, yơn mô nkoch tât nău ƀư du rƀŭn nchră gưl prêh.

Nuĭh rblang: Y Sưng Phê Ja