VOV4.M’nông: Cao uỷ ƀư nau kan tâm nchră bah dih ndrel rnă njrăng bah Liên minh Châu Âu Josep Borrell lơ 19.4 nduih lah nau kan Nga nsŭn rlau 150 rbăn tahen tât nkuăl n’har bri đah Ukraine. Nau nduih lah geh geh Josep Borrell ndŏ luh tâm rnôk rƀŭn mbơh ta Brussel, Bỉ jêh rnôk N’gâng kan 27 dak kan nsum bah Liên minh Châu Âu-EU geh rơh rƀŭn nchră trực tuyến gay nchră nau kan tât mhe tâm nau tâm boh ma Nga. Tĭng wa Josep Borrell, nau kan rnôk aơ tâm nkuăl n’har bri Ukrane-Nga hôm ê geh nau mhe lơn. Nau tâm boh đah EU ndrel Nga jêng nau duh tâm âk nar rlau aơ jêh rnôk Ukraine nduih lah Nga nkri nau mât đăp mpăn rnôk leo tahen ndrel phao bleo tât nkuăl n’har bri đah Nga ndrel Ukraine. Plơng ma nê, mpeh Nga nduih lah N’gâng kan Ukraine ŭch ƀư nau kan tahen tâm nkuăl mpeh ba dâng bah Ukraine./.

Nŭih rblang: H’Thi