VOV4.M’nông – Nar 26/3, Liên minh châu Âu (EU) lĕ rdâk ƀư du bôk nău kan khlay hao tât 5,1 rmen Euro gay kơl ăp dak kan ndrel “n’hao dơi n’hanh ntrŭt rgâl mhe tâm nău kan dak si”. Tâm du nău mbơh báo chí, EU an gĭt, bôk nău kan aơ dơi Ủy ban châu Âu đă tâm khay 5/2020 kơt du trong rdâng đah rơh duh jêr geh tât srê Covid-19, nchrăp ntơm bah năm 2021 tât năm 2027. Tĭng nĕ, bôk nău kan aơ mbra an ăp dak tâm EU ntuh kơl gay ŭch n’hao dơi rdâng đah duh jêr n’hanh ndâk njêng trong dak si têh dăng, ngăch prăk n’hanh dơh gĭt lơn. Bôk nău kan n’gluh an 4 nău rƀŏng, geh rgâl uĕh n’hanh n’hao săk soan ta rmôt EU; mât njrăng nuĭh ƀon lan EU luh ăp rmôt ntêt nkri khlay rlŏ rlău ir đah săk soan.

Nuĭh rblang: Y Sưng Phê Ja