VOV4. M’nông: Ăp dak Liên minh Châu Âu tâm ban ŭch ngăn mpeh nău uănh an dŏng hộ chiếu Covid kơt du nău nsrôih gay pơk tay mpông n'gâng kan pâl nđaih tâm mpôl tâm khay rlu nti năm aơ. Hãng tin Reuters leo tơm nău lư ngoại giao EU an gĭt, ăp nuĭh njêng pháp luật bah mpôl mbra tâm nchră na nê̆ n'hanh nchrăp mbra uănh an dŏng nău dăn đă dja tâm rơh hop tâm khay tât. Hộ chiếu Covid mbra an ăp nuĭh hŏ tă lôch chuh vaccine, hŏ sĭt dăng tay lôch tă ntưp Covid 19 mô lah lôch uănh năl mha mô hôm mpơl đah kaman Sars Cov2 mbra dơi rsong hăn dơh tâm mpôl EU. Kơp ntơm bah rnôk ntoh, ăp nău ntrŭnh mpăng hăn hŏ ƀư jêng mpet khuch tât n'gâng kan công nghiệp pâl nđaih tâm ban kơt wăng sa bah ăp dak lăp kan nsum đŏng. Ăp dak tâm mpôl EU hŏ lah rjăp nău ton mpeh nău nchrăp "du rpaih tâm di" tâm khay rlu nti năm aơ./.

Nuĭh rblang: Điểu Thân