VOV4.M’nông: Thủ tướng Đức Angela Merkel lah rjăp, Liên minh Châu Âu dôl ndŏ nkô̆ nau ân geh dơi ntrong kan bar ding ân geh săk rnglay đah Anh tâm nau kan tăch luh vắc xin njrăng rdâng srê Covid-19. Nau ton lah aơ geh ndŏ luh rnôk Anh dun lơi nau nchrăp đă mô geh âk nau dơi tâm nau tăch rvăt bah vắc xin đah Liên minh Châu Âu. Ntoh nau mbơh nkoch, rđau kan dak Đức lah rjăp, Liên minh Châu Âu du ding ryơk ăp nau kan pă lam ntur neh, ŭch rdâng lơi nau kan mât dŏng êng bah rmôt aơ, du ding kŏ ŭch mât nau dơi bah nŭih ƀon lah tâm rmôt bah ăp nau tât khuch bah dak si lam ntur neh geh săk ntơ Covid-19. Nau tâm boh đah Anh ndrel Liên minh Châu Âu (EU) dôl ma jêng nau duh jêr êp nau kan tăch luh vắc xin njrăng rdâng srê Covid-19./.

Nŭih rblang: H’Thi