VOV4.Mnông- “Gay ma mât đăp mpăn ndơ sông sa gay ma nsĭt tay nău rêh ueh lơn an lĕ rngôch ăp nuĭh”. Aơ lah 1 tâm 4 nkô̆ mpŏng kan geh Tổng Giám đốc ntŭk kan ndơ sông sa LHQ FAO Khuất Đông Ngọc ndơ̆ mbơh tâm nău mbơh vơt năm mhe n’hanh lah nkô̆ nău ma ntŭk kan aơ ngluh mbơh an năm 2022. Tâm nău mbơh geh nchih mbơh ta trang web bâh ntŭk kan tuch tăm n’hanh ndơ sông sa dŭt têh ta lam ntur neh aơ, wa Khuất Đông Ngọc kơp dơn năm 2021 lah du năm geh âk nău ntul rlong đah lam ntur neh n’hanh lĕ ntŭk kan aơ.  Rnoh kơp bâh lam ntur neh geh rlău 800 rkeh nuĭh ji ngot n’hanh 45 rkeh nuĭh êng dôl mbra mô geh ndơ sa. Tổng giám đốc FAO Khuất Đông Ngọc tâm nău mbơh vơt năm mhe geh mbơh tay 4 nkô̆ mpŏng kan têh bâh n’gâng kan tuch tăm lam ntur neh tâm năm 2022, tâm nĕ sŏk khoa học n’hanh rgâl mhe tuch tăm ƀư nău kan tơm.