VOV4.Mnông- Lôch tă 2 nar rƀŭn nchră ta Florence, Italia, ăp kruanh n’gâng kan tuch tăm rmôt 20 n’gâng kan wăng sa hun hao n’hanh mghe ntoh bôk năp G20 mhe aơ lĕ geh nău mbơh nsum lah na nê̆ nău tâm ton mât đăp mpăn rna njrăng ndơ sông sa, mpŏng tât hun hao nâp nâl ta lĕ 3 nău kan wăng sa, rêh jêng n’hanh ntŭk gŭ rêh. Tĭng ăp kruanh n’gâng kan G20, du ntrong kan mât ndơ sông sa nâp nâl n’hanh tâm di lah nău kan bâh rnă njrăng ndơ sông sa n’hanh mât đăp mpăn nău tâm ban, jut jăng ach o, mât nâp nâl ndơ ơm geh si gle dak nor, mât rbăy n’hanh mât ueh si gle dak nar, bah ir geh nău rgâl trôk nar mih sial. Tâm rnôk 1/4 rnoh nuĭh ta lam play neh dôl tâm rdâng đah nău mô tŏng ndơ sa, ăp nău tât hô bâh nuh srê Covid-19 dăch aơ lĕ ƀư an nkô̆ mpŏng mô hôm geh nuĭh ji ngot, ngoăy tâm âk nkô̆ mpŏng hun hao nâp nâl tât năm 2030 bâh LHQ lơ ma jêr jŏt lơn.

Nuĭh rblang: Thị Đoắt