VOV4.Mnông- G20 ton mbra mô nklen du hê nuĭh tâm bôk nău kan chuh njrăng Covid-19. Aơ lah nău mbơh bâh kruanh n’gâng kan dak si Italia Roberto Speranza ta rơh rƀŭn nchră nglôch lôch rƀŭn nchră kruanh n’gâng kan dak si rmôt ăp dak geh n’gâng kan wăng sa hun hao n’hanh mhe ntoh G20 ta thủ đô Roma dak Italia. Nău mbơh bâh wa Roberto Speraza ndơ̆ mbơh tâm rnôk âk ngih dak dôl hun hao mâp âk nău jêr jŏt tâm nău dơn Vaccine. Gay ma geh âk ntŭk pă an, kruanh n’gâng kan dak si Italia lĕ kuăl đă pơk hvi nău kan ƀư Vaccine ta âk ntŭk tâm lam ntur neh. Rơh rƀŭn nchră kruanh n’gâng kan dak si G20, geh ƀư ta Italia tâm 2 nar 5 n’hanh 6-9, đah nău mbơh tơm khlăy lah rdâk njêng tay an ueh lơn n’hanh n’hao nău tâm rnglăp, tâm kơl n’hanh tâm ban mô an geh du hê nuĭh klen mô geh chuh.

Nu^h rblang: Thị Đoắt