VOV4.M’nông – Kêng măng 18/6, UBND n’gor Gia Lai geh Công văn mrô 812/UBND mpeh nău ƀư tĭng du đêt trong mkra njrăng n’gang srê Covid-19 tâm nu nău mhe. Tĭng nĕ, n’gul măng nar 19/6/2021, an dŏng plơ̆ tay du đêt nu nău tăch rgâl ta lam n’gor. Tĭng công văn ntĭm, Gia Lai an rlu dŏng ăp quán bar, vũ trường, karaoke, ăp ntŭk massage xông hơi an tât rnôk geh nău mbơh mhe. Bah n’gul măng nar 19/6/2021, an dŏng plơ̆ tay đah đêt nu nău tăch rgâl kơt: ăp ntŭk an pâl rlưn điện tử, game online, ăp ntŭk internet, n’glău re, ntŭk ƀư uĕh, spa, ntŭk pơk phim, ntŭk tiăr nti ăp môn thể thao, jrô tập gym, yoga, ăp ntŭk n’hanh câu lạc bộ bida, câu lạc bộ võ thuật, câu lạc bộ sức khỏe, yơn an ton tŏng ăp ƀư tĭng rjăp nău đă 5K bah N’gâng kan dak si nkre an dŏng đah 50% têh hvi n’hanh mô rlău 30 nuĭh ta du ntŭk. N’gor Gia Lai mât tay 4 ntŭk uănh nđôi njrăng n’gang srê ta 4 mpông luh lăp quốc lộ tâm n’gor.

Nŭih rblang: Y Sưng Phê Ja