VOV4.M’nông: Phòng Cảnh sát Kinh tế (Công an n'gor Gia Lai) kan nsum đah mpôl kan dơi kan bah nkuâl Kbang, Gia Lai mhe ban saơ tay 1 doanh nghiệp geh rlău jât mét khối si mô gĭt kloh tơm luh. Nău dŭt nkoch, yor nuĭh tơm doanh nghiệp mô ŭch tâm boh, jêng roh dŭt âk nar, mpôl kan dơi  kan mơ ôp uănh dơi rnoh si tâm kho.

Ôi 15/7, nuĭh tơm kho pơk mpông, mpôl kan dơi kan  hŏ kơp uănh, ban saơ bôk năp 18m³ si plah blon, âk ntil. Rlău 24 mông tĭng quy định, nuĭh tơm doanh nghiệp mô an saơ dơi tơm luh si n'hanh si ƀŭt geh tât. Nău ndrât ndal lah, tâm rnôk mpôl kan dơi kan dôl kơp uănh si, geh tât 7 nuĭh bu klô joi tât, mbơh dơn êng săk he nơm manh njuăl si dja tâm kho doanh nghiệp Mai Hồng. Aƀaơ, mpôl công an n'gor Gia Lai n'hanh công an  nkuâl Kbang dôl ôp uănh tay, ƀư kloh nkô̆ nău. Du rnoh si têh tâm nău tih dja hŏ dơi rdeng sĭt ta nhih pah kan Hạt Kiểm lâm nkuâl Kbang kâp nkra rmal./.

          Nuĭh rblang: Điểu Thân