VOV4.M’nông – Wa Hồ Văn Niên-Bí thư N’gor ủy Gia Lai mhe đă ngih pah kan công an phong nău tih ƀư rêng ntưp srê tâm ntưp an nuĭh. Nĕ lah nuĭh ji Covid-19 geh mrô BN95028 dơi saơ ta nar 24/7, lah cán bộ MTTQ phường Tây Sơn, nkual ƀon têh Pleiku. Bôl lah F1 bah BN36712, yơn cán bộ aơ mô mbơh, nơm lah F2. Nuĭh aơ hôm e tât UBND phường pah kan, tât âk rnăk tăch rgâl gay đă ăp rnăk tăch rgâl ton đăp mpăn njrăng n’gang srê Covid-19. Yor mbơh mô ngăn, nuĭh ji aơ lĕ ƀư 3 nuĭh tâm rnăk wâl geh ntưp Covid-19. Tă bah joi, Ntŭk uănh nđôi kop ji Gia Lai năl geh 51 nuĭh lah F1 n’hanh 82 nuĭh lah F2 bah cán bộ aơ.

Nŭih rblang: Y Sưng Phê Ja