VOV4.M’nông: Rnâng kan rđau nau kan mpeh nau njrăng, rdâng srê Covid-19 n’gor Gia Lai mhe rđau nau nchrăp mpeh đăp mpăn nau kan dak si ân njrăng rdâng srê Covid-19 ân rơh săch kan ntơh măt Quốc hội gưl XV ndrel ntơh măt HĐND ăp gưl năm lan 2021-2026. Nkô̆ nau bah nau nchrăp aơ lah ân geh ntrŭnh ƀư ân tâm ban nau kan dak si gay nkân njrăng ân ueh ndrel njrăng srê Covid-19 lăp tâm n’gor, nkre đăp mpăn nau kan dak si, răk kloh ndơ ngêt sa, năn rklaih rnôk geh nau tât ndal ndrel đăp mpăn n’hâm soan ân ăp nŭih geh săch, cán bộ râng ăp nau kan săch kan ndrel cử tri tâm lam dak, tâm nrôk geh ăp nau săch kan. Tĭng nê, nau đă lah 100% ntŭk săch kan tâm n’gor kơt tĭng ăp nau kan njrăng, rdâng srê Covid-19, geh nkhĭt kman đah CloraminB bah ndrel ba kơi rơh săch, ăp nau kan bah rơh săch geh ƀư tŏng nau đă 5K bah N’gâng kan dak si./.

Nŭih rblang: H’Thi