VOV4.M’nông: Măng 21/6, Ntŭk kan nkân njrăng srê ji (CDC) Gia Lai mbơh, nkuăl mhe geh ndơn du hê nŭih ntưp srê Covid-19 tă bah du ntŭk kan công nghiệp ta Bình Dương. Ngăn lan, bu klô ntưp srê Covid-19 aơ deh năm 2005 lah du hê nŭih pah kan ta ntŭk kan tâl mì tôm tâm nkuăl ƀon têh Thủ Dầu 1, n’gor Bình Dương. Nŭih aơ gŭ tâm ntŭk ngih ân công nhân tâm Phường Nghĩa Hội, nkuăl têh Tân Uyên, n’gor Bình Dương ndrel sĭt ta thôn Yon Tok, xã Ia Grai, nkuăl Chư Sê tâm ôi lơ 19/6. Ndrel nar, păng aơ tât Ntŭk ngih dak si gay mbơh ndrel geh sŏk mham xét nhiệm uănh năl geh ntưp srê Covid-19 yor tă bah nkuăl mra geh ntưp âk. Rnôk aơ, 24 nŭih F1 bah păng aơ geh nkhah tĭng nau ntrŭnh. Rnôk aơ, nŭih aơ ê geh mpơl ji kop, siăk ndrel dôl geh nkhah. UBND n’gor Gia Lai geh nau ntrŭnh đă ăp nkuăl tâm n’gor ƀư rjăp tay nau mât nau kan nŭih tă bah nkuăl geh srê sĭt, n’hao nau mât uănh, nkân njrăng tâm ăp trong lăp n’gor./.

Nŭih rblang: H’Thi