VOV4.M’nông – Bah nar 27/5 tât aƀaơ, ta n’gor Gia Lai geh 4 ntŭk srê ntô pŭn ta rpu, ndrôk đah bơi 70 mlâm ta 3 nkuăl Mang Yang, Chư Sê, Đăk Đoa n’hanh dôl geh rêng hvi. Aƀaơ, dĭng lĕ ndrôk rpu bah n’gor Gia Lai rlău 435 rbăn mlâm, rnoh âk dâk tal 2 lam dak; dŭt âk lah mât jêt chrai, nkual rnoi mpôl đêt.

Gia Lai: êp geh srê ntô pŭn ta rpu rêng hvi

Nău njrăng n’gang nuh srê, mât njrăng đăp mpăn bah ndrôk rpu geh nkô̆ nău khlay tâm hun hao wăng sa bah nuĭh. Yor nê, UBND n’gor Gia Lai lĕ geh sam ƀŭt ndăn mpeh nău ƀư ăp trong njrăng n’gang srê pŭn ntô rpu, ndrôk ta ntŭk. Tĭng nĕ, UBND n’gor Gia Lai đă ăp ntŭk n’hanh nău kan lŏ mir ƀư tĭng rjăp ăp trong nking n’gang ntưp rêng, rwăt vaccine chuh an ndrôk rpu, ƀư tĭng ntop kơl n’hanh tâp bôr ndrôk rpu srê, groi nđôi rjăp nu nău ndrôk rpu gay nchrăp ăp ăp trong.

Nŭih rblang: Y Sưng Phê Ja