VOV4.M’nông: Tâm nar 24/6 mhe aơ, tâm rnôk sŏk mham uănh năl ta nkual an gŭ rgum êng, Ntŭk mât kân kop ji n'gor Gia Lai năl geh tay 2 hê nuĭh ntưp 1 tơ̆ bôk năp đah SARS-COV-2, ndrel gŭ ta ƀon Yon Tok, xã Ia Glai, nkuâl Chư Sê. Bar hê nuĭh dja tât bah Bình Dương sĭt n'gor Gia Lai ndrel đah nuĭh ji mbrô BN13486. Uănh năl mham 1 tơ̆ bôk năp nar 21/6 mô mpơl ntưp đah SARS-COV-2; uănh năl tâl 2 tâm nar 24/6 geh mpơl ntưp đah SARS-COV-2. Aƀaơ n'hâm suan 2 hê nuĭh ji dja hôm ngăch dăng kơt ơm, mô kop duh, mô ji siăk n'hanh dôl tĭng groi nđôi tay. Geh tât 2 hê nuĭh ji dja, ăp nhih pah kan dơi kan n'gor Gia Lai hŏ sŏk ntil mham uănh năl 6 nuĭh F1 ta ăp nkuâl Chư Sê, Phú Thiện n'hanh Krông Pa. Aƀaơ ăp ntil mham uănh năl bah nkuâl Chư Sê, nkuâl Phú Thiện hŏ mô mpơl ntưp. Ntrôl dăng pah kan njrăng n'gang nuh srê Covid-19, n'gor Gia Lai dôl dơn n'hanh an gŭ rgum êng 449 nuĭh, tâm nê 400 nuĭh tâm dak n'hanh 49 nuĭh dak bah dih lăp./.

Nuĭh rblang: Điểu Thân