VOV4.M’nông: Rnâng kan rđau nau njrăng, rdâng srê bah n’gor Gia Lai mbơh, lơ 27/7 Gia Lai lŏ ndơn geh tay 5 nŭih ntưp ma srê SARS-Cov2. Tâm ne êgh 4 nŭih hăn tă bah nkuăl geh srê sĭt, geh leo nkhah rgum nkre ndrel ntơm xét nghiệm, uănh năl ntưp ma srê Covid-19, geh du hê dôl dŭn ndrel bơi deh kon. Hôm e lah kon bah nŭih ji mrô 44.302 kŏ geh ntưp ma srê SARS-Cov2 tâm ntŭk nkhah rgum. Geh tât srê tâm nkuăl ƀon têh Pleiku, tât lơ 27/7, rmôt nai dak si uănh xét nghiệm bôk năp saơ mô ntưp.

192 nŭih geh Rnâng kan rđau nau njrăng rdâng srê Covid-19 n’gor Gia Lai vơt tă bah ndeh mpăr Tân Sơn Nhất sĭt nkuăl ƀon têh Pleiku tâm ndeh mpăr QH 9812 kŏ mô geh ntưp jêh nar tal 3. Kơt ri, ntơm lơ 26/4 tât lơ 27/7, n’gor Gia Lai geh dĭng lĕ 36 nŭih ntưp ma srê SARS-Cov2, tâm nê hŏ luh bah ngih dak si lah 5 nŭih, rnôk aơ 31 nŭih dôl ma săm tâm ngih dak si Đa khoa n’gor./.

Nŭih rblang: H’Thi