VOV4.Mnông- Kêng măng nar 29/10, mpôl pah kan uănh năl bâh n’gâng kan lao động thương binh n’hanh xã hội yor kruanh ntŭk kan mât pă nău kan Vũ Trọng Bình leo hăn, lĕ geh rơh pah kan đah ntŭk kan lao động thương binh n’hanh xã hội n’gor Gia Lai mpeh nău ƀư tĭng  ăp nău kơl kan mpeh mât đăp mpăn nău rêh jêng, kơl an nuĭh pah kan n’hanh nuĭh dŏng nuĭh kan mâp jêr jŏt yor nuh srê Covid-19.

Mpôl pah kan uănh năl bâh n’gâng kan lao động thương binh n’hanh xã hội ta Gia Lai

Ta rơh pah kan đah mpôl kan uănh nđôi, ăp đại biểu lĕ  mbơh đă ăp ntrong kan mpeh ndâk nsơm n’hanh hun hao nuĭh kan tâm rnôk n’hanh lôch srê Covid-19. Ăp ntrong kan doh rklaih jêr jŏt an doanh nghiệp, HTX, rnăk tăch rgâl đăp mpăn pah kan jan sa gay ma geh âk nuĭh kan, kơl an nuĭh pah kan plơ̆ tay nău kan. Ntoh ngơi ta rơh pah kan, kruanh n’gâng kan pă kơl nău kan Vũ Trọng Bình rnê âk nău ƀư tĭng ăp nău kơl kan gay ma geh mbơh ƀư ngăch, tâm di, âk nău kan. Tâm let năp tay, n’gâng kan têh bâh n’gor Gia Lai geh n’hao tay, ndơ̆ nău kơl kan tât di đah nuĭh geh nău tât lôch nuh srê Covid-19.

Nuĭh rblang: Thị Đoắt