VOV4.Mnông – Ôi 19/5, N’gor ủy Gia Lai ƀư mbơh Nău ntrŭnh bah Ban Bí thư uănh tâm di an wa Rah Lan Chung-tă ƀư Kruanh Ban tổ chức N’gor ủy mât ƀư Groi Bí thư n’gor ủy Gia Lai (năm kan 2021-2025).

Wa Rah Lan Chung (đah kiău) dơn nău ntrŭnh uănh di bah Ban Bí tư

Ta nar mbơh nău ntrŭnh, wa Hồ Văn Niên-Bí thư N’gor ủy Gia Lai uănh lah, wa Rah Lan Chung dơi ntĭm nti uĕh, têh hao ntơm bah dâng, geh nti nău way kan, gĭt blău pah kan, geh nău mĭn rgâl mhe, lôch uĕh nău kan dơi jao. Wa Rah Lan Chung lah uĕh nău nsing nơm bah Bộ chính trị, Ban Bí thư n’hanh Ban Chấp hành Đảng bộ lĕ nsing nơm jao an nău kan n’hanh ton mbra mô rlu tiăr nti, mât nău rêh chính trị, rgum soan ndrel đah nsum mpôl Ban Chấp hành Đảng bộ n’gor ƀư dơi ăp rnoh ndơ ƀư, nău kan bah n’gor.

                                      Nuĭh rblang: Y Sưng Phê Ja