VOV4.M’nông: Gay nchrăp an rơh thi THPT gưl neh dak, Sở Giáo dục n'hanh Đào tạo n'gor Gia Lai hŏ rdâk njêng trong nkra đah 4 gưl gay rdâng lơh đah nuh srê Covid – 19. Tĭng Sở Giáo dục n'hanh Đào tạo n'gor Gia Lai, rơh thi tốt nghiệp THPT gưl neh dak năm aơ, n'gor geh rlău 14 rbăn  nuĭh râng đăng ký thi, dơi ƀư ta 39 ntŭk thi. Aƀaơ ndrel đah ƀư ôn tập an kon se nti, Gia Lai n'hao dăng pah kan nkoch trêng, năn ngăch mbơh nău lư an cán bộ, nai ntĭm n'hanh kon se nti, me bơ̆ kon se nti mpeh nô nău nuh srê ndrel đah ăp nău mbơh njrăng lor tĭng ƀư 5K bah nhih pah kan dơi kan mpeh njrăng n'gang nuh srê Covid-19. Tĭng ƀư jăp tay nău mbơh njrăng lor 5K bah năp, tâm n'hanh bah kơi rơh thi...gay rơh thi ƀư đăp mpăn, di rnoh ngăch tâm bôk khay 7 tât. Sở Giáo dục n'hanh Đào tạo n'gor Gia Lai đă ăp kon se nti râng thi, cán bộ uănh thi n'hanh ăp nuĭh pah kan tâm rơh thi ân mbơh ngăch dăng n'hâm suan bah năp 7 nar rnôk ƀư rơh thi./.

Nuĭh rblang: Điểu Thân