VOV4.M’nông: Kêng măng 19/7, Ƀan rđău đă njrăng- n'gang nuh srê Covid-19 n'gor Gia Lai tâm ban ŭch trong nchrăp wơt 1000 nuĭh ƀon lan sĭt bah tơm nuh srê nkual ƀon têh Hồ Chí Minh n'hanh n'gor Bình Dương (ăp ntŭk dôl geh nuh srê Covid-19 krit  nji) plơ̆ sĭt n'gor. Na nê̆, n'gor Gia Lai mbra ƀư wơt 1000 nuĭh ƀon lan, lĕ ma bu ranh, kon se, nuĭh kop ji, jêr jŏt mpeh prăk kaih, nuĭh roh nău kan, nuĭh hăn kan rnoi mpôl đê̆, bu ur bŭn. Ndơ wơt rdeng lah ndeh păr n'hanh ô tô. Ăp nuĭh ƀon lan dja rnăk gŭ moh nkuâl ri nkuâl nê mbra wơt, njŭn sĭt an gŭ êng tĭng di nău way. Ta năp nău tât krit nji bah nuh srê Covid-19 ta ăp n'gor kiău ma, nkre rnoh âk nuĭh ntưp Covid-19 mhe ta n'gor hao âk mbro đŏng, Gia Lai  hŏ ntơm pơk dŏng 21 ntŭk an gŭ rgum êng ta lam n'gor, đah lĕ rngôch rnoh dăng wơt an gŭ nklăp 3000 nuĭh./.

Nuĭh rblang: Điểu Thân