VOV4.M’nông: Ta năp nău tât krit nji bah nuh srê Covid-19 lĕ ma tâm n'hanh bah dih n'gor, Sở Công thương Gia Lai hŏ geh trong nchrăp đăp mpăn tŏng ăp ndơ tăch dŏng sa khlay n'hanh tăch ndơ tuch tăm tâm ăp rnoh tât hô bah nuh srê. Tĭng nê, Sở Công thương Gia Lai hŏ rdâk njêng trong nchrăp rnă ntêm ndơ tăch, đah lĕ rngôch rnoh khlay nklăp 9000 rmen prăk.

Đă 65 doanh nghiệp ta n'gor n'hao rnoh âk rnă ntêm lor ndơ tâm kho hao tât  1,5 tơ̆ rđĭl đah ntơm nơh. Ndrel đah nê, nău đăp mpăn tăch ndơ tuch tăm an ƀon lan kan lŏ mir ta ntŭk tât nhih máy nkret njêng dơi Sở Công thương Gia Lai uănh khlay đŏng. N'gâng kan công thương ăp nkuâl geh trong nchrăp rdeng đăp mpăn njrăng, n'gang nuh srê tât ăp nhih máy nkret njêng; mpăng nău mpă wêl lĕ trong tăch ndơ tuch tăm đah ƀon lan kan lŏ mir; đă ăp doanh nghiệp mât kơt ơm nău kan ƀư njêng, lĕ nuĭh kan n'hanh rlu rlău ta ntŭk nkret njêng, leo ƀư rgum rvăt ndơ tuch tăm si gle an nuĭh ƀon lan kan lŏ mir./.

Nuĭh rblang: Điểu Thân