VOV4.M’nông: Tĭng nuih n’hâm rđau kan bah Chính phủ ndrel N’gâng kan dak si, Rnâng kan rđau nau njrăng rdâng srê Covid-19 n’gor, n’gâng kan dak si Gai Lai dôl ƀư ngăch nau kan chuh njrăng vắc xin njrăng rdâng srê Covid-19 rơh 3 ân đăp mpăn nau nchrăp kan tâm lơ 18/6. Rơh 3, n’gor Gia Lai geh N’gâng kan dak si pă 27.880 dĭng vắc xin yor COVAX Facility kơl an gay ntrŭnh chuh ân nŭih geh kơl an lor. Nau chuh văc xin geh ntrŭnh tâm ăp ntŭk ta Ngih dak si n’gor, Ngih dak si 221 ndrel ngih dak si ăp nkuăl, nkuăl têh, nkuăl ƀon têh. N’gâng kan dak si hŏ rđau ăp ngih dak si, ntŭk ntŭk dak si tâm n’gor ngăch ntrŭt dăng nau chuh vắc xin njrăng srê Covid-19 tĭng nuih n’hâm rđau kan bah Chính phủ ndrel N’gâng kan dak si./.

Nŭih rblang: H’Thi