VOV4.M’nông: Lvang năm 2021-2025, ăp nkuâl tâm n'gor Gia Lai hŏ lor nchrăp ƀư têh uĕh n'hong dak gay tŏng an tŏ djrah, n'hao rơ̆ jêng tơm tăm. Êng nkuâl Chư Sê, ntơm bah năm 2018 tât aƀaơ hŏ ntuh kơl bơi 10 rmen prăk gay ƀư têh uĕh n'hong dak đah lĕ rngôch rnoh jong 18km. Ta nkuâl geh 46 n'hong dak đah nău dăng tŏ rlău 1.400 ha ba n'hanh 1.900 ha tơm tăm tuh mbo, bum biăp. Ăp n'hong dak dơi ƀư nâp uĕh lah 52,2km hŏ nkra geh dak tŏ n'hanh nău ŭch pơk hvi neh tuch tăm, n'hao nău geh wăng sa bah nuĭh ƀon lan. Wa Hồ Phước Thành-Giám đốc Sở Kế hoạch n'hanh Đầu tư n'gor Gia Lai an gĭt: nsing tâm nău ŭch geh n'hanh nău dơi tom bah ăp nkuâl, ngân sách n'gor mbra ntop kơl rĭng ăp năm 100 rmen prăk n'hanh mbra an tâm pă lor rlău rnoh dja gay ntrôl ngăch tĭng ƀư bôk nău kan nâp uĕh n'hong dak, tơm prăk lvang năm 2021- 2025 nklăp 500 rmen prăk./.

Nuĭh rblang: Điểu Thân