VOV4.M’nông: Rnâng kan rđau nau njrăng, rdâng srê n’gor Gia Lai hŏ ntrŭnh nau ntrŭnh ƀư nau mât nŭih ntưp srê Covid-19 mô geh nau mpơl, nŭih plơ̆ ntưp ma srê Covid-19 ndrel nŭih tâm mâp êp (F1) tâm ngih gŭ. Ngăn lah, tâm nau ntrŭnh bah Rnâng kan rđau nau njrăng rdâng srê Covid-19 Gia Lai mbơh: ntơm khay 10/2021 tât rnôk aơ, nŭih sĭt tâm n’gor hao âk ƀư ăp ntŭk nkhah srang âk ir, rnoh F0 hao ngăch. Gia Lai hŏ ndâk 2 ngih dak si săm F0, yơn kŏ âk ir nŭih.

Tĭng nau nchrăp ntrŭnh, Gia Lai rlong săm F0 geh ntưp tay geh nkhah êng tâm ngih lah mô geh nau tât jâk, nŭih hŏ tŏng chuh 2 nglai vắc xin Covid-19, nŭih ntơm du năm tât tâm dâng 50 năm, mô geh ji ơm tâm săk, mô bŭn. Nau kan mât tâm ngih gŭ bah n’gor Gia Lai đah nŭih F0 geh nau tam ntơm lơ 1/12/2021, đah ăp nŭih F0 ma mô geh nau jâk ri nchâp rnôk n’gor geh rnoh nŭih ji 5000 nŭih hao gŏ lơ./.

Nŭih rblang: H’Thi