VOV4.M’nông – UBND n’gor Gia Lai mhe geh công văn ndal đă ăp ntŭk ta lam n’gor rlu ăp nău ƀư rgum âk nuĭh, nău tăch rgâl mô khlay gay njrăng srê bah n’gul măng 8/5. Tĭng nkô̆ nău công văn, UBND n’gor Gia Lai đă ăp ntŭk ta lam n’gor rlu ăp nău ƀư văn hóa, thể thao, lễ hội, nău ƀư rgum âk nuĭh; rlu ăp ƀư mô khlay kơt karaoke, quán bar, vũ trường, massage, rạp pơk phim, ăp ntŭk pâl rlưn điện tử, internet, n’glău re dak.... bah n’gul măng nar 8/5. Du đêt ntŭk tăch cà phê, ntŭk sông sa, thể thao tâm jay dơi ƀư yơn an tĭng ăp nău ntrŭnh njrăng srê; nuĭh ƀon lan khâl nsong, ăp ntŭk pâl nđaih an wăn bok put mbung. UBND n’gor Gia Lai đă nău kan dak si đăp mpăn uănh nđôi rchăng n’gang ntưp; n’hao uănh nđôi, rmal ăp nuĭh mô wăn bok put mbung ntŭk âk nuĭh. Kơp tât kêng măng 7/5, Gia Lai lĕ jêh chuh rlău 18 rbăn dĭng vaccine njrăng n’gang Covid-19.

Nŭih rblang: Y Sưng Phê Ja