VOV4.M’nông: Lơ 29/6, HĐND n’gor Gia Lai gưl XII (năm 2021-2026) hŏ săch ăp nŭih kan tơm tâm nau ƀư nau kan bah HĐND n’gor. Tĭng nê, ăp ntoh măt HĐND n’gor gưl XII (năm kan 2021-2026) hŏ nklăch phiếu săch ăp nŭih kan bah HĐND n’gor, geh Kruanh HĐND n’gor, ăp groi Kruanh HĐND n’gor, Kruanh ndrel Groi Kruanh rnâng kan HĐND n’gor Gia Lai. Nau geh jêh nê, đah 70/71 phiếu rnơm, wa Hồ Văn Niên, Uỷ viên Rnâng kan rđau kan Trung ương Đảng, BÍ thư n’gor uỷ, Kruanh rmôt kan ntoh măt Quốc hội n’gor Gia Lai gưl XIV geh ƀư Kruanh HĐND n’gor gưl XII (năm kan 2021-2026).

Wa Võ Ngọc Thành-Groi bí thư n’gor uỷ, Kruanh UBND n’gor Gia Lai năm kan 2021-2026 geh ƀư kan tay Kruanh UBND n’gor năm kan 2021-2026. Tâm 4 Groi Kruanh UBND n’gor Gia Lai năm kan 2021-2026, geh wa Đỗ Tiến Đông, wa Kpă Thuyên ndrel wa Nguyễn Thị Thanh Lịch geh kan tay. Groi kruanh mhe UBND n’gor lah wa Hồ Phước Thành (Giám đốc N’gâng kan ntŭk nchrăp kan ndrel ntuh kơl n’gor Gia Lai)./.

Nŭih rblang: H’Thi