VOV4.M’nông – Ôi 22/7, Ntŭk uănh nđôi kop ji n’gor (CDC) Gia Lai mbơh, n’gor geh tay 4 nuĭh ntưp mhe Covid-19, n’hao rnoh nuĭh ntưp rơh aơ hao 21 nuĭh. Tâm nĕ, geh 3 nuĭh lah F1 bah ăp nuĭh ji n’gor Kon Tum n’hanh nkuăl Krông Pa, 1 lah nuĭh pah kan bah Bình Dương mpeh Gia Lai, dôl nkhah êng ta nkuăl Phú Thiện.

Gia Lai rhăt jăp trong kan tâm pă trong, nkhah êng ta ăp ntŭk uănh nđôi srê

Ăp ntŭk srê geh tât ăp nuĭh ji mhe, dŭt âk ta nkuăl têh Kbang, n’hanh nkual ƀon têh Pleiku. Aƀaơ, UBND nkuăl Kbang, UBND nkual ƀon têh Pleiku lĕ geh sam ƀŭt đă rlu ăp nău ƀư tăch rgâl mô khlay kơt karaoke, massage, thể dục thể thao âk nuĭh, nău pâl điện tử, ăp rgum tâm rlong. Ăp ntŭk tăch rgâl ndơ ngêt sa, cà phê an ƀư tĭng rjăp nău ntrŭnh mpeh njrăng, n’gang srê; rmal rjăp ăp nuĭh ƀon lan mô wăn bok put mbung ntŭk âk nuĭh.

Nuĭh rblang: Y Sưng Phê Ja