VOV4.M’nông – Ban ntĭm rđau njrăng n’gang srê Covid-19 bah n’gor Gia Lai lĕ ƀư rƀŭn trực tuyến đah Ban ntĭm rđau ăp nkuăl, nkual têh, nkual ƀon têh mbơh ƀư trong kan njrăng n’gang srê, tŏng ăp đăp mpăn săch Ntoh măt Quốc hội khóa 15 n’hanh HĐND ăp gưl năm kan 2021-2026. Ta rơh rƀŭn, rnâng kan Ban ntĭm rđău lĕ mbơh n’hanh ntĭm na nê̆ trong kan njrăng n’gang srê Covid-19 n’hanh tŏng ăp đăp mpăn săch. Ntoh ngơi ta n’glôn jêh rơh rƀŭn, UBND n’gor đă ăp nău kan, ăp ntŭk an geh trong ƀư tâm ban ŭch tâm trong kan njrăng n’gang srê, tŏng ăp ndoh ndơ, ngăn lah năp ndơ njrăng n’gang an ăp rmôt râng pah kan. UBND n’gor đă an tâm ban ŭch mpeh ndơ dak si mkra phiếu kloh uĕh, tâm ban ŭch ăp trong ƀư tŏng ăp nău đă rjăp mpeh njrăng n’gang srê Covid-19 tâm rơh săch.

            Nŭih rblang: Y Sưng Phê Ja