VOV4.M’nông – Ôi 18/11, ta Hà Nội, N’gâng kan lao động Thương binh n’hanh xã hội ƀư nkah gĭt Nar nuĭh nai Việt Nam (20/11) n’hanh wơt dơn Huân chương Lao động hạng nhất bah Tổng Cục ntĭm nti nău kan. Năm nti mhe rlău chôt srê Covid-19 lĕ ƀư ăp nău jêr jŏt, khuch dŭt têh tât nău kan ntĭm nti n’hanh kan pah, âk n’gor nkual ƀon têh gŭ ƀah kon nuĭh lĕ khuch dŭt âk tât nău ƀư ntĭm nti bah rlău 1 rbăn 900 ntŭk ntĭm nti nău kan ta lam dak.

Groi kruanh dak an Huân chương Lao động hạng nhất an Tổng cục ntĭm nti nău kan

Yơn lah, trong ntĭm nti nău kan pah ta lam dak lĕ mĭn nchrăp, ngăch tâm di, rgâl mhe bah ntĭm nti sŏng dăng an ntĭm nti trực tuyến. Ăp nai lĕ mkra nău jêr jŏt, mĭn nchrăp mbơh ƀư tâm ban, uănh rjăp ăp trong mkra nkre njrăng n’gang srê tam. Ta nar rƀŭn, ndơn măt kruanh Đảng, Ngih dak, Groi Kruanh dak Võ Thị Ánh Xuân lĕ an Huân chương Lao động hạng Nhất an Tổng cục ntĭm nti nău kan, N’gâng kan Lao động Thương binh n’hanh xã hội.

Nŭih blang: Y Sưng Phê Ja