VOV4.M’nông –  Groi Kruanh dak Võ Thị Ánh Xuân n’hanh ăp nuĭh dơi săch ntoh măt an Quốc hội khóa 15 n’hanh HĐND n’gor An Giang khóa 5, năm kan 2021-2026, ta Ntŭk săch mrô 1 lĕ geh ăp rơh mâp nuĭh ƀon lan, rgŏ jă săch tĭng di Luật ntrŭnh ta ăp phường Mỹ Bình, Mỹ Long, Mỹ Phước, Mỹ Quý, Mỹ Thới, Mỹ Thạnh, xă Mỹ Hòa Hưng (nkual ƀon têh Long Xuyên), nkuăl têh Óc Eo, xă Vọng Đông n’hanh Vọng Thê, nkuăl Thoại Sơn, n’gor An Giang. Ntoh ngơi mpeh bôk nău ƀư bah nơm, Groi Kruanh dak Võ Thị Ánh Xuân nkoch, lah dơi ăp nuĭh ƀon lan nsing nơm săch lăp nuĭh ntoh măt an Quốc hội khóa 15, săk nơm mbra ƀư ăp nău hôm e mô hŏ dơi geh kơt nău ŭch n’hanh tĭng nău kan Ntoh măt an Quốc hội đah nău kan aƀaơ lah groi Kruanh dak gay ƀư uĕh lơn nău ŭch, mpŏng kâp bah nuĭh ƀon lan.

          Nŭih rblang: Y Sưng Phê Ja