VOV4.M’nông – Groi Kruanh dak Võ Thị Ánh Xuân ndrel mpôl pah kan mhe tât khâl, an ndơ ntŭk njrăng n’gang srê Covid-19 mper dak lêng n’hanh ntŭk kâp njrăng n’gang srê ta trong n’har bri neh kơh ta Pôih Tahen mpông n’har bri quốc tế Hà Tiên n’hanh pah kan đah kruanh n’gor Kiên Giang mpeh trong kan njrăng n’gang srê Covid-19.

Groi Kruanh dak pah kan ta Kiên Giang mpeh trong kan njrăng n’gang

Ta ăp ntŭk tât khâl, Groi kruanh dak Võ Thị Ánh Xuân ôp khâl săk soan, nu nău gŭ âm n’hanh ƀư tĭng rjăp bah cán bộ, tahen râng ăp ntŭk kâp njrăng srê ntŭk bôk n’har bri. Groi Kruanh dak rnê n’hanh uănh lah nău nsrôih mkra ăp jêr jŏt bah ăp rmôt njrăng n’gang srê Covid-19 ta Hà Tiên; mpŏng ăp rmôt tahen rlet rlău tay jêr jŏt, nsrôih jêh nău kan. Groi Kruanh dak lah n’gor Kiên Giang an mĭn lor lơn tay tâm pă ndoh ndơ, prăk kaih n’hanh rmôt kan gay ƀư nău kan njrăng n’gang n’gang srê tâm rnôk mhe.

Nŭih rblang: Y Sưng Phê Ja