VOV4.M’nông: Kêng măng ntri (6/5), wa Đỗ Văn Chiến, Bí thư Trung ương Đảng, Kruanh Ủy ban Trung ương MTTQ Việt Nam, Groi kruanh Hội đồng Bầu cử gưl neh dak hŏ pah kan đah n'gor Bà Rịa-Vũng Tàu mpeh pah kan nchrăp bầu cử đại biểu Quốc hội khóa XV n'hanh đại biểu HĐND ăp gưl năm kan 2021-2026. Lam n'gor Bà Rịa Vũng Tàu hŏ njêng 814 rmôt bầu cử ta 814 nkual nklăch phiếu. Lôch tâm rkhăch tâl pe, săk nuĭh dâk tâm rlong ntơh măt Quốc hội khóa XV lah 10 nuĭh; 85 nuĭh dâk tâm rlong đại biểu HĐND n'gor; 430 nuĭh dâk tâm rlong đại biểu HĐND nkuâl; 3.468 nuĭh dâk tâm rlong đại biểu HĐND gưl xã. Wa Đỗ Văn Chiến rnê âk pah kan nchrăp bầu cử bah n'gor Bà Rịa -Vũng Tàu; nkre njrăng đă n'gor ân uănh khlay  pah kan đăp mpăn rnă njrăng, mô an geh nău tât ndrât ndal geh bah năp, tâm n'hanh bah kơi rơh bầu cử.

Nuĭh rblang: Điểu Thân